- 133 -

1343. Juli 28. Prag.

Carl, Markgraf von Mähren bestätigt den Pfandinhabern der Städte Liegnitz, Hainau und Ohlau, den breslauer Bürgern, Johannes von Troppau, Johannes Salomon und Franz Hartlieb ihre Rechte.

Nos Karolus domini regis Boemie primogenitus, marchio Morauie notum facimus vniuersis, quod, considerantes grata et accepta seruicia, que dilecti nobis Johannes de Oppauia, Johannes Salomonis et Franczco Hartlewi ciues Wratisl. nobis pluries ad nostrum beneplacitum impenderunt eosque propterea, vt tenemur, volentes respicere in suis opportunitatibus et prosequi generose ipsis et ad eorum manus Conrado de Valkenhaim militi et Jacobo Wyenneri ciui Wratislauiensi nobis dilectis, sincera fide duximus promittendum, quod eos in omnibus juribus, sibi ex continencia litterarum illustrium principum domini Bolezlai, ducis Slesie, domini Legnicensis et filiorum suorum Wencezlai et Ludwici, necnon serenissimi principis domini Johannis regis Boemie domini et genitoris nostri karissimi et nostrarum ad preces ipsorum principum dictis ciuibus circa sua pignora concessarum, videlicet Legnicz, Haynow et Olauiam, secundum omnia puncta et clausulas, que et quas ipse littere de verbo ad verbum continent, competentibus, indempnes conseruabimus et illesos, sic, quod ipsi ciues nulluni in hac parte percipient detrimentum. Quodque non acceptabimus nec aliquatenus admittemüs, quod ipsi ciues aliquid dispendii in predictarum litterarum et jurium sibi exinde competencium prejudicium aliquomodo patiantur, sed sine impedimento quolibet gaudeant suis juribus et fruantur libere, que sibi quocumque modo competunt in hac parte. Et qui hanc litteram habuerit, eidem bona fide competere volumus omnia supradicta. Harum nostrarum, quibus sigillum nostrum super eo appendi fecimus, serie et testimonio litterarum. Datum Prage, feria secunda post festum beati Jacobi apostoli proxima anno domini millesimo trecentesimo quadragesimo tercio.

O. d. St. L. No. 59, mit wohlerhaltenem Wappensiegel in rothem Wachs an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866